fy mlog

Seibiant drosodd?

2007-05-19T21:37:00.000Z

Dwi'n teimlo braidd yn ddiarth i'r blog yma ar ol gymaint o seibiant, ond ar ol cael chat hefo Stevie Ellis heddiw fe lwyddodd i'ng ngwneud i deimlo bach yn euog am ddiystyru fy mlog!! Tydw i ddim yn siwr os fydd pobl dal yn darllen, ond dyma 'ddiweddariad' bach beth bynnag.

Yda chi'n sylweddoli ei bod hi wedi dros flwyddyn erbyn hyn ers i mid fynd i ffwrdd i Fecsigo bell am fy antuf fawr? Ia, dwi'n cytun- lle mae'r amser wedi hedfan i...? Blwyddyn yma yn lle trefnu trip arall rydw i'n ail-fyw yr un dwytha drwy ddarllen dros fy mlog eto- i gael gweld fy nhrip o berspectif y darllenwr! Ond i fod yn onest mae rhai o'r pethau dwi wedi sgwennu wedi pell fynd yn anghof, ac felly mae yn neis cofio a gwerthfawrogi'r profiadau gwych ges i.

Dwi ddim wedi bod yn segur chwaith ers i fi ddod nol i Gymru, ond fy mhrif drip i cyn belled blwyddyn yma oedd i Gogledd Iwerddon. Doeddwn i ddim wedi sylweddoli mor gryf mae'r 'troubles' wedi effeithio ar y gymdeithas, ac i bob pwrpas ei bod wedi ac yn effeithio ar bob aelod o'r gymuned yno. Fuom ni i lawer o'r llefydd 'twrstaidd' Giants Causway, Derry ac i wel y murluniau yn Belfast. Un sylwad sydd gen i i wneud sy'n berthnasol i Gymru ac wedi 'ngwneud i'n drist iawn. Yn rhai o'r murluniau ar ochr yr Republicans mae 3 banner wedi uno- Lloegr, Alban, a'r ddraig coch yn hapus yn eu plith, yn awgrymu ein bod ni'n hapus iawn i gael bod o dan yr hen 'Jack'. Yn yr un fordd roedd murluniau yn cefnogio achos y Ciwbiaid, Basgwyr, a gwledydd yn ne America, ond dim son o Gymru o gwbwl. O ni'n ffeindio fy hun yn meddwl, pam sganddyn nhw ddim syniad am ein hanes ni yn fama? Ai ni sydd ddim wedi bod yn lleisio ein barn digon cryf dros y can mlynedd diwethaf, ydyn nhw wedi bod yn rhy brysur i sylwi neu ydi cyfryngau gogledd Iwerddon ddim hefo diddordeb yng Nghymru? Tydw i ddim wir isio mynd fewn i'r ddadl o annibyniaeth yn fama, jyst yn siomedig eu bod nhw'n gweld ni'n hapus Brydeinig er gweutha hanes rhai pobl sy'n dangos i'r gwrthwyneb. (Gyda llaw oes unrhyw un yn gwbod os ydi'n banner ni yn cael ei gynrychioli yn yr Union Jac, ynteu dim ond yr Alban a Lloegr oedd digon 'pwysig'? Tydw i ddim yn gallu ei weld o yn bersonol, ond mae llawer mwy craff allan yno na fi?)

Profiad rhyfedd arall oedd bod yn Protestant ag yn Gymraes yr un pryd, rhaid i fi ddeud roedd y Unionists yn reit puzzled hefo hyn hefyd, dim ond y Catholigion oedd yn siarad Gwyddeleg ac i raddau yn dysgu'r diwylliant Gwyddelig. A dyma ni 'clan' cyfan o Brotestaniaid Cymraeg glan gloyw (wel, ella di fi..) sydd ar un wedd yn credu'r un peth yn ddiwinyddol a nhw ond hollol wahanol yn wleidyddol, mor rhyfedd sut mae diwylliant yn gallu siapio ein meddylfryd.

Fydda i ddim yn mynd i ffwrdd am dipyn eto, rhaid i fi sticio at fy swydd yng Nghyngor Gwynedd, sydd rhaid i fi ddweud yn le braf i weithio, er mae atgofion o'r goedwig law yn Brazil, traethau yn Gwlad a Thai a mynyddoedd yn Seland Newydd yn trio 'nhynnu i ffwrdd bob hyn a hyn!! Efallai blwyddyn nesaf, pan fydd y banc yn fodlon gadael i fi fynd eto.

"Braf bod yn nol yng Nghymru?"

2006-09-22T11:09:00.000Z

Dyma ydi'r cwestiwn rydw i'n cal fy ngofyn gan pawb ar ol i fi ddol yn ol. Yr ateb yn ddiamheuaeth ydi 'yndi wir'! Mae'n braf bod yn rhan o gymuned unwaith yn rhagor, gallu cyfarfod efo pobl sydd yn fy nabod i a sgwrsio yn Gymraeg eto! Dwi wedi cyraedd Caerdydd erbyn rwan, holl ffordd i lawr ar y bws heb dim trafferth. Wel, gesh i un anffawd bach pan esh i ar fws i Ben-y-bont (pentref bach tu allan i Caerfyrddin) yn lle Pen-y-bont ar Ogwr. Gesh i daith bach anghyffyrddus am awr a hanner a golygfeydd hyfryd. Ar ol i ni gyraedd nol i Gaerfyrddin medda'r gyrrwr bws wrtha i "I know you're proud to be Welsh, and so am I, but next time don't mention anything about Pen-y-bont, just say Bridgend!"
Mae'n eithaf anodd addasu i'r gymdeithas yma eto, gesh i andros o sioc pan esh i i'r archfarchnad am y tro cyntaf, bod yna gymaint o fwyd! A'r ffaith ein bod ni'n byw yn foethus heb feddwl am y canlyniadau- pwy sy'n gorfod delio efo'n holl sbwriel ni? Pwy sy'n poeni am y prinder dwr glan sydd yn y byd a lle yn union mae trydan ni'n dod o?! Dwi'n teimlo fel ein bod ni wedi cael ein cau ffwrdd oddi wrth fyd natur a'r amgylchedd ac felly ddim yn sylweddoli y fath impact negyddol rydym ni'n gael arno fo. Dwi'n ffeindio hi'n eithaf eironic ein bod ni'n galw ein hunnain yn wlad datblygedig ac addysgiedig pan mae ni ydi'r rhai sydd yn llygru ein afonydd ac yn difa ein bywyd natur...
Felly rydw i yn dal i sefyll wrth be ddywedish i cyn i fi fynd am fyw mewn bybl. Dydw i ddim wedi gweld plant a pobl ifanc wedi cael eu difetha gymaint mewn unrhyw wlad arall yn y byd. A mae hyn yn poeni fi yn fawr, dydyn nhw ddim yn dysgu i barchu dim byd yn cynnwys eu hunain nac yn malio dim am Gymru (ond wrth gwrs mae eithriadau i'w gael). Os dydyn nhw ddim yn cael eu dysgu i werthfawrogi dim, ac yn cael pob dim ar blat- pwy all feio nhw?
Y peth rydw i'n teimlo fwyaf ers i fi gyraedd adra ydi pa mor ffodus ydw i i fyw yng Ngymru, i gael galw fy hun yn Gymraes ac i gael byw fy mywyd o ddydd i ddydd yn Gymraeg. Does dim gwlad arall yn y byd hefo hanes fel un ni, neb arall efo cymeriadau fel Glyndwr, Mari Jones o'r Bala a Gwynfor Evans wedi ymuno i neud eu hunaniaeth. Ac er mor gyfoethog ydi ein hanes ni (piti mawr bod o ddim yn cael ei ddysgu yn ein hysgolion, dwi'n siwr fasa hynny yn ateb i hanner y frwydyr) mae'n rhaid edrch ymlaen i'r dyfodol. Er pa mor ansicr ydi o dwi'n meddwl ei bod o'n anorfod bod twristiaeth yn rhan allweddol o economi Cymru. Mae ganddo ni gymaint i gynnig, ond siawns bod modd ei reoli yn well fel bod ardaloedd fel Sir Fon a Llyn dim yn cael eu bombardio gan dai haf, sydd mewn ffordd yn hunan ddinistiol i'r diwydiant?!
Reit ta, rant drosodd am rwan. Dwi dal yn trio neud synwyr o'r holl bethau sy'n mynd rownd yn y'mhen i, ond gobeithio bod hyn yn gwneud ryw fath o synwyr!
Diolch o galon i bawb am y croeso cynnes dwi wedi cael adra!

Diwedd y daith!!! (wel, am rwan...)

2006-09-17T15:05:00.000Z

I'r rhai ohona chi sydd ddim wedi clywed rydw i wedi cyraedd adra bythefnos yn gynt na'r disgwyl- er mawr sioc i mam a dad a gweddill y teulu! Nesh i hedfan i Heathrow o Bangkok a cael tren i fangor ac yno bws i Langefni. Ar y bws roeddwn i'n gallu clywed y plant ifanc lleol yn siarad am hogia a yfad, bob dim sy'n bwysig iddyn nhw a un yn deud sut fasa hi'n licio neud bunji off bont borth (!) Roeddwn i'n teimlo mor ffodus mod i wedi gweld gymaint o bethau i gymharu a'r plant yma (y bynji mwyaf yn y byd yn Seland Newydd, 102 metr), ac yn sylweddoli faint yn union mae'r trip yma wedi dylanwadu arna i. Mae o'n eitha anodd egluro sut dwi'n teimlo ond un ffordd fasa deud mod i wedi cael par o lygadau newydd i edrych drwy ac yn gweld pethau o berspectif newydd- er mod i dal wir yr un person!
Ers i fi ddod adra dwi wedi bod yn gweld fy nheulu a ffrindiau, a does na nunlla yn debyg i adra, roedd y trip mor dda achos dwi'n gallu dod adra ar y diwedd yn ol i Gymru! Heddiw fues i'n capel, yr oedfa Gymraeg gynta mewn 6 mis! Am yr wythnos nesaf dwi'n bwriadu neud taith bach o Gymru i weld fy ffrindiau a teulu, ar yn edrych ymlaen i unwaith eto gael fy syrfdanu gan y wlad hynod o brydferth ag unigryw dwi'n byw ynddi.

Eliffantod a 'raffts' bambw!

2006-09-10T04:37:00.000Z

Da ni wedi syrfeifio yn y jyngl am 3 diwrnod, a wedi dod allan y pen arall mewn un darn (a lot o frathiadau gan y mosgitos cyfeillgar sy'n byw yna)!! Gafo ni amser anhygoel!! Cerdded dipyn gyda ffyn bambw, a munud roedd hi'n cychwyn bwrw roedd y 'llwybrau' yn troi fewn i nentydd ag afonydd, so nath o ni wario cryn dipyn o'r amser yn fflat ar ein penolau! Yr ail ddiwrnod gafodd ein coesau ni dipyn o rest ag atho ni ar gefn eliffantod! Mae nhw'n hiwj!! Am ryw reswm o ni'n disgwyl i'w croen nhw fod yn sgwiji, ond mae o mor tyff a caled! Profiad anhygoel, a ti mor uchel oddi wrth y llawr, o ni'n teimlo ar ben y byd!
Y trydydd diwrnod gafo ni fynd ar yr afon mewn rafft oedd wedi cael eu neud allan o bambw a ryw gordyn oedd yn rhyw fath o ddal nhw efo'u gilydd! Roedd boi bach o'r pentref yn gorfod neud y gwaith caled tra'n bod ni'n sefyll yno yn mwynhau y golyfa! Ond gafodd o ni'n ol drwy sblasho a trio cael ni syrthio i fewn! Aeth Charlie i fewn 2 waith, ond odda ni mor wlyb erbyn y diwedd nesh i jyst mynd fewn i nofio! Dim y dwr glana dwi erioed wedi gweld, ond o leiaf doedd na ddim crocodeils!
Am wneud dipyn o siopa yn Chian Mai rwan a cwrs coginio Thai, fel y bydda i'n gallu bwyta'r bwyd blasus mae sydd ganddyn nhw drwy'r amser adra!!

dal i drafeilio!

2006-09-04T08:40:00.000Z

Ymddiheuriadau mawr am y cyfnod hir sydd wedi bod ers i fi flogio ddiwethaf! Ond ryda ni wedi bod yn brysur iawn yng ngwlad Thai, yn gorfedd ar draethau ac yn profi'r bwyd hynod o flasus! Wedi bod yn Awstralai a Seland Newydd unwaith eto rydym ni'n ffeindio ein hunain mewn byd hollol wahanol, a ddim cwet yn deallt y trigolion lleol yn siarad! Ond mae hi'n waeth yn fama na de America achos dydyn nhw ddim yn defnyddio llythrenna fel ni dim ond symbols, so sgenna ni ddim gobaith! Da ni wedi dysgu helo, diolch a dim diolch am rwan!!
Fuo ni yn Malaysia am wythnos wedi gadael Singapore a ymweld a rhai o 'plantations' te yn Cameron Highlands. Roedd hi'n hyfryd cael panad o de eto, a er mawr cywilydd i fi (gymaint o de a dwi'n yfad) doedd genna i ddim syniad sut oedd o'n cael ei dyfu, na be oedd o yn edrych fel! Felly o hyn ymlaen fydda i'n gwerthfawrogi fy nhe lot mwy achos mae o'n edrych fel gwaith caled! Yno trafeilio i fyny ynys Penang am dipyn o ddyddiau a mynd fyny'r 3ydd twr uchaf yn Malaysia, a fyny Penang hill sydd hefo tren bach fel un aber ond tua 10 gwaith hirach!! Dyma oedd diwedd ein hamser ni yn Malaysia fell gafo ni dren dros nos i fyny i Wlad Thiai (mae nhw efo gwlau go iawn ar y trenau yma!)
Koh Tao oedd ein stop cyntaf ni yng ngwlad Thai, mae pawb siwr o fod wedi clywed am Koh Samui, mae Tao yn agos iawn ond lot llai twristaidd, ac felly gafo ni ryw wythnos bach braf yno yn ymlacio ar draethau a weithiau yn neidio fewn i'r mor i gwlio lawr! Ers hynny rydym ni wedi bod yn gweld yr bont dros yr afon Kwai (sydd mewn ryw ffilm enwog dwi byth di clywad am!) ag yn Bangkok am noson, oedd yn brofiad a hanner!
Da ni rwan yn Chiang Mai, a dydd mercher yn mynd ar trek 3 diwrnod ac yn cael reidio ar eliffantod!! iei, dwi mor excited, goebithio neith o ddim taflu fi off na dim byd!
Wel da ni wedi bod yn trafeilio am dros 5 mis rwan a er mod iwrth fy modd, ac yn cael gymaint o hwyl rhaid i fi ddeud mod i'n dechra troi fy meddyliau bach yn ol at Gymru ac yn eitha hiraethus! Ond mae'r trip yn bendant wedi neud i fi werthfawrogi teulu a ffrindiau sydd genna i adra, a dwi'n edrych ymlaen i weld pawb eto!!
Gellwch chi weld mwy o luniau yn blog Charlie, yr hogan arall sydd yn tafeilio efo ni yn Asia- http://charliedixpix.blogspot.com/

Singapore!!

2006-08-20T11:25:00.000Z

Ddoe natho ni hedfan fewn i Singapore, a dyma chi sioc!! Mae hi'n anhygoel yma, gymaint o bobl gwahanol, gymaint o fwydydd gwahanol. Ond yn rili glan a neis i gerdded o gwmpas yn y ddinas. Natho ni gyfarfod Charlie yn y maes awyr (sydd yn trafeilio efo ni tan ddiwedd y daith) a da ni'n aros mewn ardal o'r enw 'Little India' mewn hostel o'r enw Prince of Wales! Heddiw aetho ni i Chinatown a cyraedd nol i Little India a cerdded drwy strydoedd sy'n llawn dynion o dras indiaid. Profiad rhyfadd i ddeud y lleiaf.
Fory fydda ni'n trafeilio i Kuala Lumpur- neb i boeni cos da ni'n edrych ar ol ein gilydd yma!!

Ynys Fraser

2006-08-11T00:56:00.000Z

Da ni newydd orffen trip 3 diwrnos ar yr ynys sydd wedi cael ei wneud allan o dywod mwyaf yn y byd! Felly gallwch chi ddychmygu ei bod hi ddim yn hawdd iawn i drafeilio o gwmpas yno, os na oes ganddoch chdi 4WD. Nath grwp o 11 ohona ni reimtio 4x4 gyda offer campio a digon o fwyd a mentro drosodd i'r ynys fawr. Ye eiliad natho ni gyraedd ae dywod meddwl, aetho ni’n styc!! A ffeindio dallan bod y 4WD ddim yn gweithio yn iawn yn y car! Oh gymaint o hwyl gafo ni yn mynd yn styc tua 5 gwaith! Roedd rhaid I bawb gael allan a dechrae cloddio o gwmpas y teiars a gwthio!! Doeddwn I byth wedi gyrru ar dyod o’r blaen, ond mae’r car jyst yn symud o ochr I ochr a weithia roedda ni’n gyrru drwy’ gullies (rhai yn ddyfnach nag oeddyn nhw yn edrych) felly roedd pawb yn hedfan I bob man yn y cefn!! Doedd dim nofio yn y mor oherwydd y siarcod a ballu, ond mae na lynnoedd bach yn gannol yr ynys sydd gyda dwr ffresh ag yn hyfryd I nofio yn!
Mae hi wir yn teimlo fel ein bod ni ar ein gwylia rwan, mae trafeilio yn Awstrali a Seland Newydd mor hawdd achos mae bob dim wedi ei drefnu I chi yn barod- amseroedd bws I gyd ar y we, gallu ffonio hostels I fwcio a asiantaethau trafeilio ym mhob man yma. Dim rhyfadd bod na gymaint o Backpackers yma, yn enwedig o Brydain. Dwi’n meddwl mod I wedi cyfarfod mwy o Saeson a Gwyddelon yma na Aussies!! Dyna be sydd yn neud o mor debyg I adra yma! Er bod y tirlun a’r tywydd yn wahanol, mae’r bobl yn debyg- ond hed yr hanes a’r traddodiad!
Iawn mae’r haul yn ein galw ni’n nol i’r traeth!!
Ta ta tan tro nesaf!

bywyd heb gamera...

2006-08-05T05:42:00.000Z

Am y diwrnodiau diwethaf da ni wedi bod yn neidio o draeth i draeth yn mwynhau yr haul (a llosgi dipyn bach efyd) ond mi nesh i roi eli haul ymlaen!! Teithio fyny be mae nhw'n galw'r Gold coast i fyny i'r sunshine coast. Traethau melyn hyfryd, llwyth o bobl yn syrffio ac yn trio ein gorau i ddim edrych y tu ol i ni. Achos be fydda ni'n gweld ydi pentwr o 'skyscrapers'!! Rhan fwyaf o'r amser mae rhain yn mynd law yn llaw efo'r traethau hyfryd. Wel, i pawb sy'n nabod fi, dydw i ddim yn ffan mawr o adeiladau mor fawr a huna- allai ddiodda nhw mewn tref ond ar lan y mor?!
O ni byth yn meddwl faswn i'n deud hyn, ond dwi'n falch o'r tywydd da ni'n gael yn Sir Fon, dychmygwch traeth llanddwyn os fasa na haul braf yno drwy'r flwyddyn!! Fasa'r rhanfwyaf o'r arfordir yn troi allan fel Rhyl neu waeth fel fama! Diolch byth am gyrff fel y CPRW a cyngor cefn gwlad! Alla i ddim anfon llun i chi am y rhesymau amlwg, sydd ella yn beth da yn yr achos yma!!
Er dweud hynny, dydi Awstralia i gyd ddim fel yma, am y wythnos a hanner nesa da ni'n mynd ar 3 trip ar gwch, i Fraser Island, Magnetic Island a Whitsundays. I ddreifio 4x4 ar draeth, deifio a ella dipyn o dorheulo.... hmm tydi bywd yn anodd!!!

newyddion drwg :(

2006-08-02T06:43:00.000Z

Mae na rhyw leidr bach cas wedi dwyn fy nghamera i tra oedda ni'n Melbourne, so yn anffodus fydd dim mwy o lyniau yn cael eu ffordd i'r gwe-fan. Newyddion drwg i'r hen Myrddin achos roedd o'n dechrau mwynhau'r holl sylw roedd o'n ei gael!! Fydd Elin dal i roi rhai ar un hi, ac efallai y gallai ddwyn rhai ganddi hi!
Ond ymlaen a'r daith, a gobeithio neith y cwmni yswiriant adal i fi gael camera newydd!!

Mor, tywod a traethau o hyn ymlaen i fi!!!

2006-07-30T01:38:00.000Z

da ni wedi gadael y gaeaf oer rwan, ag yn trafeilio i fyny arfordir dwyreiniol Awstralia!! dim mwy o jympyrs cynnes a hetiau gwlan! Ath y daith yn y camprefan yn ddi ffwdan ond yn lot o hwyl, er mi nesh i lwyddio i revyrsio fewn i polyn lamp ! (er odd pawb yn y cefn yn deud mod i'n ok... ond mae'r yswiriant yn ei gyfro fo!) Roedda ni'n cael ein syfrdannu mwy gan harddwch Seland Newydd bob dydd ac aetho ni ar drip i drydydd ynys S.N sef Stewart Island- sydd jyst efo dipyn bach o dai ond lot o fywyd gwyllt, odd hi mor ddistaw a tawel yno! Yno gorffen i ffwrdd yn Christchurch, roedda ni'n ffarwelio a Charlie ein ffrind ni yn fama, ond mae hi'n dod i ymuno efo ni yn Malaysia a Thailand eto!!

Natho ni hedfan drosodd dydd mercher, a wedi gweld y great ocean road a dipyn o Melbourne ond bora ma am 6 o'r gloch natho ni hedfan i Sydney, heb sylwi pa mor bell oedd y maes awyr o Melbourne, roedd rhaid i ni gychwyn ar y bws am 4 o'r gloch bora!!! Felly ddim wedi cael cyfle i weld yr opera house eto. Bora ma nesh i ffeindio capel bach i fynd i, gyda cynulleidfa annwyl iawn a gesh i glywad aborijini yn canu yn eu hiaith cynnhenid, mor cwl!! Ag yn fwy byth natho nhw rhoi tocynnau am ddim i Elin a fi gael mynd i gyngerdd clasurol yn y pnawn, lle roedd cantorion enwog Awstralia Teddy Tahu Rhodes a Emma Matthews yn perfformio! Dyna lle odda ni yn cael afternoon tea hefo crachach Sydney... roedda ni'n ffitio i mewn yn gret yn ein dillad gora o jins a crys-t!!!

Beth bynnag gobeithio bod yn cael mynd i steddfod ag y gewch chi dywydd braf a lot o hwyl yno!!

5 munud i sbario!!

2006-07-15T21:56:00.000Z

Mae genna i hanner awr cyn i'r capel gychwyn yma yn Queenstown (mae'n nhw'n cychwyn am 10.30 yma, diolch byth!!) ac felly am gymeryd y cyfle i sgwennu yn fy mlog! Dwi wedi bod mor brysur yr wythnosau diwethaf felly ymddiheuriadau am y diffyg posts! Fel dwi wedi deud da ni wedi cyraedd Queenstown sydd bron yn de ynys y de, sydd yn cael ei labelu fel 'adventure capital' y byd, allwch chi n eud unrhyw beth o bunji i kite boardio neu parachutio os da chi isio wbath mwy tame! Ond yn anffodus mae'r prisiau bron yn dwbwl llefydd erill yn SN so fydd dim mwy o bethau i ni!!
Wedi gadael Wellington a ymweld a amgueddfa hynod ddiddorol (ia go iawn!!) am hanes y Kiwis, y Maoris a'r pobl gwyn o'r enw Te Papa gafon ni awyred drosodd i ynys y de, oedd yn dal 10 person! Roedd rhyw un wedi deud bod o fel hedfan dros gerdyn post, ag odd o'n iawn golygfeydd hynod o brydferth o Malbrough Sound. Yno ymlaen wedyn i Able Tasman lle gafo ni amser ymlaciol yn cerdded ar hyd traethau a hwylio mewn cwch ond doedd na ddim gwynt!
Does na ddim gymaint o drefi mawr yn ynys y de, fell y da ni wedi bod yn trafeilio i gannol nunlla a aros yno dros nos! Sydd yn well gan mod i ddim mor hoff o ddinasoedd mawr!
Un o'r pethau gorau dwi wedi neud yma ydi cerdded ar rhewlif Franz Josef, natho ddeffro'r daearyddwr yna i!! Mae o'n anhygoel roedd o yn anferthol a lliwiau'r rhew a partymau yn y rhew yn cwl, piti bod hi wedi trasian bwrw glaw drwy'r dydd!! Ond chwara teg nath y glaw stopio am dipyn i ni gael cinio! Y stop nesaf oedd Wanaka sydd yn dref bach sgio ar lan llyn Wanaka, a mae gena i lyniau anhygoel oddi yno o mynyddoedd Southern Alps.
O hyn ymlaen mae 4 ohona ni yn gadael y bws ag am heirio campervan!! Dwi wir yn edrych ymlaen, fydd hyn yn golygu allwn ni fynd i unrhyw le da ni am pryd bynnag! A dwi hefyd yn edrych ymlaen i yrru eto, er dwi erioed wedi gyrru campervan o'r blaen- siwr fydd o ddim llawer o wahaniaeth i yrru Ieauan adra, na...?!

Gweithgareddau Ynys y Gogledd

2006-07-03T05:44:00.000Z

Mae bywyd yn S.N i weld mor braf! Dim hanner gymaint o stress a sydd yn ein gwlad ni, a mae modd gwneud unrhyw fath o chwareuon yma, yn enwedig y rhai extreme! Rydym ni wedi bod yn ffodus hefo'r tywydd a ddim wedi cael dim glaw er ei bod hi'n gaeaf yma! Awyr las bob dydd a'r haul yn gwennu arnom ni, tra ein bod hi'n heicio, snowboardio, skydivio, bwyta, absilio (ond odd hwna mewn ogof o dan y ddaear). Ond er gwaetha hyn i gyd, dydw i dal ddim yn ffit, a ar ol bod yn snowboardio dydd gwener, mae bob rha o'ng nghorff i'n brifo- achos o ni'n gwario y rhan fwyaf o'r amser ar y llawr. Lot o hwyl ddo, a dwi am drio dysgu yn iawn tra yn ynys y de!
Nesh i skydivio o 1200 troedfedd oedd yn cynnwys freefall o 45 eiliad, efo instructer so oedd dim rhaid i fi neud dim ond neidio allan o'r awyren!! mae gen i vidio so os oes rhywun isio gweld fy ngwyneb i wedi strecho allan croeso!!
Dwi wir yn impressed efo'r pobl yma, mae pawb mor gyfeillgar a llefydd aros yn foethus iawn, wythnos diwethaf gafo ni aros mewn hotel werth $160 y noson am $22.50 achos odd na ddim stafell arall i ni!
Rydw i hefyd wedi gwel Mt doom (o ni'n anghywir mae o yn ynys y gogledd) a arddangosfa LOTR, dwi wir isio darllen y llyfr eto rwan!! Anghygoel meddiw mod i'n Middle earth!!

Seland Newydd yn yr eira!

2006-06-22T04:42:00.000Z

Rydym ni wedi llwyddo i newid cyfandir heb ddim llawer o drafferth! Mae prydferthwch S.N. yn taro chi'n syth yma (wel dim yn Auckland!) Atgoffa fi lot o Gymru, achos mae hi mor wyrdd yma a llwyth o fryniau bach ciwt- hefyd yn atgoffa fi o Hobbiton!!
Cyn belled yn y 4 diwrnod cyntaf 'da ni wedi bod yma rydym ni wedi mynd fyny'r adeilad uchaf yn hemisffer y de, caiacio(!) a nesh i ddysgyn i'r mor a sand bording! Wedi gweld yr aderyn kiwi a'r man lle mae mor y pacific a tasman yn cyfarfod yn point uchaf S.N a morfil yn sownd ar y traeth, odd yn rili trist achos odd neb yn yn gallu achub o. Mae'r tywydd yn braf iawn yma, ond da ni'n clywad bod y rhan fwyaf o S.N. gyda andros o lot o eira a rhew yn bob man, yn enwedig yn ynys y de. Ond mae gaddo ni thermals yn barod, ag os da ni yn heirio camperfan yn ynys y de apparentli mae nhw'n roi snow chanes i chi, be bynnag ti'n fod i neud efo nhw da ni ddim yn siwr iawn!
Ond fydda ni'n ynys y gogledd am o leiaf wythnos arall, da ni wedi bwcio trip ar gwmni or enw Stray, mae ganddyn nhw fysus yn mynd rownd S.N a da chi'n cal dod off unrhyw bryd a nol on ar ol chi orffan yn y llefydd gwahanol. Syniad rili da, achos mae nhw'n mynd a chi yn syth i'r llefydd sydd werth gweld a da chi ddim yn gwastraffu dim amser! Dwi'n siwr fasa huna yn gweithio yn dda i rwydwaith twristiaeth Sir Fon!
Rydym ni wedi ein temtio i aros fyny fama yr holl amser, achos mae hi mor braf, ond dwi isio mynd i weld mount doom, so ymlaen a'r daith!

Yr haul yn machlud yn yr andes

2006-06-15T00:23:00.000Z

Mae´n cyfnod ni yn Ne America bron a dod i ben, a dydd Sadwrn fydda ni´n mynd ar ein taith 13 awr i Seland Newydd! Am y mis dwytha rydym ni wedi bod yn yr Ariannin, a faswn i´n deud dylsa pawb o leia trio mynd i´r Ariannin unwaith yn eu bywydau! Mae´r bwyd (steak) gwin, golygfeydd, gweithgareddau, pobl a dillad rhad yno yn bendant werth o! Yn Mendoza gesh i fy mlas cyntaf ar ´abseilio´a gafo ni hefyd fynd i weld bodegas (gwinllanoedd) ar gefn tandem! A fydda i ddim ar frys i fynd nol ar gefn tandem yn fuan!
Ond yn bendant un o´r profiadau gora oedd croesi´r Andes i gyraedd Chile, a gweld yr haul yn machlud yno. Dwi ddim yn meddwl dwi wedi gweld golygfau mor brydferth erioed, mae´r mynydd oedd yn anferthol yno -tua 6700 metr, sy´n gwneud i´n wyddfa bach ni sy'n 1085 trodefedd ymddangos yn bitw iawn! A roeddyn nhw wedi eu gorchuddio ag eira, wel dwi ddim yn berson barddonol iawn ond odd hwn bron a ysbrydoli fi i sgwennu cerdd!! A´r un yn wir yn Santiago mae´r mynyddoedd anferthol sydd ar y gorwel yn neud i´r ´skyscrapers´edrych fel bocsys bach bach! Ond dyna ydi´r peth gorau am y lle, da ni´n mynd yn hynod conffiwsd achos mae panad o goffi yn costio tua 560peso!
Mae lot o bobl yn gofyn i fi pa mor boeth ydi hi yma, wel dydi hi ddim! Rydw i yn y gaeaf- a roedd y lon rhwn Mendoza (ariannin) a Chile wedi cau wythnos dwytha oherwydd gymaint o eira oedd yna! So mae hi´n oer iawn yma, a dwi´n clywad bod hi´n haul braf draw yng Nghymru- gobeithio bod pawb yn cael amser braf yn yr haul yno!

croeso cymreig yn yr ariannin!

2006-06-02T18:35:00.000Z

Wedi cal wythnos go wahanol wythnos yma, yn bwyta te cymreig, llwyth o gacenni ag yn siarad efo´n perthnasau yn Dolavon! Ar ol wythnos yn Buenos Aires a lot gormod o siopa a bwyta bife le lomo (steak) yn ol ar fws a ni i´r de oer! Cyrraedd Porth Madryn dwiwrnod yn ddiweddarach ac yno mynd am drip i Peninsula Valdez a gweld;
Morfil (Southern White Whale)
Morloi eliffant
un pengwin bach ar ben ei hun!
a Sea lions.
(ymddiheuriadau, does gen i ddim syniad am yr enwau Cymreig- os oes rhyw un yn, gadwch fi wbod a nai newid nhw!) Natho ni neud dau ffrind newydd yn yr hostel yno, un o Sbaen- Javier a Dimitri o Groeg- yr unig groegwr i ni gyfarfod. Newyddiadurwr ydi o yn Groeg ond mae o ar hyn o bryd yn teithio am ryw 4 mlynedd ac yn ysgrifennu erthyglau a´u hanfon adra. Swydd fel yna dwi isio pan nai dyfu fyny- rwyn yn talu i fi drafeilio! mae o hefyd yn cadw gwe fan- www.godimitris.com gyda dipyn o luniau diddorol yno.

Y Wladfa
Gadal wedyn am trelew, ag yn anffodus natho ni ddim cyrraedd tan yn hwur so wedi methu yr oedfa Gymraeg yn y capel yno. Teithio wedyn i Gaiman a chael croeso yn gwesty tywi yno gan Diego, cyfarfod Mari yr athrawes gymraeg yno (ffeindio allan bod bethan wedi bod yn dysgu yn yr un ysgol a hi yn Gaerdydd!) Natho ni gerdded drwy´r twnel rheilffordd sydd ar dro ac felly mae na ddarn yn y cannol sydd mor dywyll a bol buwch, siriys dwi ddim di bod mor ofn ers i fi fod tua 4 oed! A wedyn mynd i ty gwyn ´casa de te´ i gael te bach, wel 9 cacan, bechdan caws a lot fawr o de!!
Dolavon oedd stop nesa ni am ddiwrnod i geisio ffeindio bedd Richard Evans, yncl fy nain! Ar ol awr mewn mynwent oer, rhoedd rhaid rhoi´r ffidil yn y to. Ond yn ffodus roedd Mari wedi rhoi rhif ffon Nivea, dynas leol oedd yn gallu Cymraeg ac yn gyfarwydd iawn efo´r hanes a pobl. Mewn 5 munud roedd hi wedi dod i nol ni, 30 munud wedi ffeinio´r bedd (roedd yr enw wedi gwysgoi ffwrdd) a di mynd a ni i dy y perthnasau agosaf iddo!! Buodd hi´n guide bach i ni am weddill y dydd yn mynd a ni i fferm Richard Evans, i weld dipyn o gapeli´r dyffryn ac amgueddfa tir halen. A ar ol ffeindio allan bod gan Elin deulu yno, gafo ni fynd am drip i´w fferm nhw hefyd!
Dychwelyd i Gaiman yn y nos a noson braf yng nghwmni Billy, Gladys, Pablo a Glenda yn trafod rygbi a´r gem fawr i ddod! A nesh i glywad un stori bach ciwt am Dafydd Elis, pan odd o´n byw yno yn ryw 20 mlyedd yn ol yn gofyn pam mae pawb yn cael eu galw yn ´vrolet´yno ar ol gweld ´chevrolet´ar gymaint o´r ceir. (yn Ariannin mae nhw´n galw pobl yn che) ag ar ol darllen ei flog o dwi´n gweld bod o ddim wedi colli dim o ei ´wit´ wrth fynd yn hyn!!
Nol yn trelew o´r diwadd natho ni lwyddo i ddal i fyny efo Mair Davies a ymweld a´r siop lyfrau cristnogol yno, a ddoth hi i´n anfon ni ffwrdd ar y bws y bora canlynol.
Felly ar ol 3 diwrnod rydym ni wedi llwyddo i ffeindio pawb oedda ni isio a neud mwy o ffrindia a di cael blas bach o Gymru, sy´n codi dipyn bach o hiraeth... ond yn Esquel rwan a rhaid trio ffeindio mwy o pobl sydd yn gallu siarad Cymraeg yma! Sydd ddim yn fenter mor anodd a hynny- ar y bws draw yma (8 awr a hanner o daith) roedd y 2 yrrwr yn neud Mate i ni ag yn trio siarad Sbaeneg efo ni! Dipyn wedyn ddoth na ddyn ymlaen a gofyn lle oedd ni´n dod o, roedd o´rhygl yn y Gymraeg a nath o fod yn gyfiaethudd i ni am weddill y daith! Dydi ein Sbaeneg ni ddim mor dda a ddylsa fo fod ar o 2 fis yma, ond diolch byth fydda ni´n mynd i wlad lle allwn ni ddeall be sydd yn mynd ymlaen nesa!

Pantanal, aligators a foz do iguaçu

2006-05-15T20:36:00.000Z

Syth ar ol cyrraedd imigration yn Brasil ddoth na ddyn fyny ata ni i gynig trip i´r Pantanal, ardal yn ne ddwyrain Brasil lle mae lot o fywyd gwyllt a planhigion, agos i ryw barc cenedlaethol. Doedd immigration ddim yn agor tan 2 a doedd ganddo ni ddim reals arno ni, so nath o ffonio'i ffrind, mynd a ni yn ei dryc i´r banc, siop ag allan am ginio!! So yn lle cal bys (arall) yn syth i Campo Grande, benderfynnom ni fynd am drip bach! 2 ddiwrnod odda ni i fod i aros, ond odd hi mor neis yna benderfynom ni aros am noson arall!! Fel canolfan oedd o lle mae grwps gwahanol a da chi´n cal guide a neud dau weithgaredd y dydd. Gafo ni reidio ceffyla, mynd ar gwch lawr yr afon, pysgota am piranas a cerdded yn edrych am fywyd gwyllt! Welso ni aligators, parots, capibaras (y rodent mwyaf yn y byd), llwyth o adar ag otter! Doeddwn i'n dda i ddim yn pysgota (dim llawer o fynadd genna i, coleiwch neu beidio) ond nath Elin lwyddo i ddal 4, hi oedd yr unig un yn grwp ni i gyd nath ddal rai!! Doeddwn i ddim yn gwybod bod ganddi hi´r fath dalent!
Yn y nos odda ni´n eistedd o flaen y tan yn siarad ag yn gneud llwyth o ffrindia newydd a yn cysgu mewn hamocs, sydd yn gyffyrddus yn y dydd ond dipyn yn oer erbyn y nos!! Ar y diwrnod ola' nesh i godi am 5 i wedi y wawr a gafo ni gadwyni yr un nath y guides neud i ni i gofio´r profiad!!
Heddiw atho ni i weld Foz do Iguaçu ar ochr Brazil, anhygoel faint o ddwr oedd yna, wbath fel 267 rhaeadr efo´i gilydd! Fory 'da ni´n mynd i Foz de Iguazu o ochr Ariannin, so tata i Brazil - es cyraedd yma dwi´n sylweddoli faint o Sbaeneg dwi´n ddallt, achos dwi´n dallt dim gair o Portugese!!! tchau!

Ciwiar choclet, bysus bolivia, crash a chwarelwyr

2006-05-15T20:16:00.000Z

Mae hi wedi bod yn oes pus ers i fi sgwennu yn hwn ddiwethaf, gymaint o bethau wedi digwydd!
Rhaid i fi gychwyn yn deud bod fi wedi cal pryd o fwyd anhygoel yn la La Paz, sef Pollo con chocolate! Ciw iar mewn saws choclet, gan bod fi´n chocaholic (er dim gymaint a mam) odd rhaid i fi drio fo!Ag odd o yn flasus iawn!
Wedi wythnos yn La Paz a streic y bws yn dal i fynd, natho ni benderfynnu hedfan lawr i Sucre (prifddinas go iawn Bolivia) sydd yn le bach neis iawn, distaw, llawn pobl ifanc a efo awyrgylch neis. Yma natho ni neud ffrind newydd o´r Iseldiroedd o´r enw Berber! Aros yna am dipyn o ddyddiau a wedyn trafeilio i Potosi lle mae ´silver mine´enfawr mewn mynydd. Mae nhw´n neud tripiau i lawr yno, so fuo ni am ddwy awr yn cerdded yn y tywyllwch drwy´r (dwmbo os mae pwll neu chwaral dylswn i alw fo?!) beth bynnag odd o´n brofiad ofnadwy! Odd hin oer a wedyn poeth a doedda chi ddim yn gallu sefyll fyny byth!! Mae´r dynion yno yn gweithio lawr yna rhwng 7~12 awr y dydd, rhaid i fi ddeud dwi´n cydymdeimlo efo glowyr de cymru gymaint yn fwy rwan!
Wedi cyrraedd nol i Sucre ar ryw fys unofficial tu allan i´r ddinas a oedd yn llawn pobl lleol roedd rhaid i ni drio cal bws arall i Santa Cruz oherydd gafodd ein fflight ni ei ganslo. So ffeindio ryw leoliad ar gyrion y dre lle odd na lwyth o bobl lleol yn crowdio o amgylch bws i Santa Cruz, eniwe nath na ffeit dori allan a dath y bws ddreifio ffwrdd efo 5 dyn yn hongian off y drws. Wel doedd dim gobaith i Elin a fi ffeitio ein ffordd ar ddim bws so natho ni jyst aros, a mewn 15 munud ddoth na ddynas ata ni yn deud bod na taxi yn mynd i S.C mewn 5 munud, so i fewn a ni a ath o a ni i fws arall oedd yn aros efo lle i 3 person ag off a ni!
Yn anffodus dim dyma ddiwedd ein hanes ni ar fysiau bolivia, wrth fynd o santa cruz i quijaro (ar y bordor efo Brazil) fuo ni mewn damwain, head on efo lorri. Nath neb frifo so odd bob dim yn iawn ond fuodd rhaid i ni aros 3 awr am fws arall a doedd dim digon o lefydd i bawb ista so cymerys shiftiau i ista ar y llawr, ag ar lonydd bympi bolifia, dydi 9 awr ar lawr bws ddim yn dda i´r pen ol! O siwrna a ddylsa fod wedi cymeryd 18 awr, ar ol 31 awr ar y bws natho ni gyrraedd y terfyn a cael cysgu mewn gwelu am y tro cynta mewn 3 noson! Roeddwn iñ falch o adal Bolifia druan, ond roedd y newid yn amlwg yn Brazil pawb yn fwy hapus a relaxed, ond rhaid cael penod arall i´r stori yna!!

Bolifia!

2006-04-30T18:00:00.000Z

Erbyn hyn rydym wedi gorffen ym Mheriw ac wedi symud ymlaen i La Paz yn Bolifia, hwn ydi´r brifddinas uchaf yn y byd! Ag ar ben yr uchder mae´r ddinas wedi ei leoli mewn dyffryn so mae´r strydoedd i gyd fyny elltydd serth- dwi ddim yn allu cerdded llawer mewn dydd!
Aethom ni i wedl yr ynysoedd sydd yn anrnofio ar llyn titicaca, a gafo ni aros efo teulu a oedd yn coginio i ni, a gafo ni wysgo fyny yn eu gwisgoedd traddodiadol nhw a dawnsio dipyn yn y nos! (mae na lunia!) Doedda nhw ddim yn defnyddio dim bron iawn o drydan yna, ac yn coginio bob dim mewn ryw bopty allan o fwd! Odd o´n atgoffa fi o Swtan dipyn bach, anhygoel meddwl eu bod nhw yn dal i fyw felna- odda nhw´n gweithio yn galed ond yn hapus. Aethom ni i ddwy ynys, yn Amontania odda ni´n aros dros nos a gafo ni stop bach yn Tequile, ag yn fama mae ganddyn nhw hetiau priodol i pawb yn y gymdeithas- yr awdurdodau, dynion priod, dynion sengl, dynion sengl ers 18 mlynadd a´r un i´r merched!! Dwi ddim yn meddwl fasa huna rili yn gweithio yng Nghymru!
Ddoe gafod ni fynd am dro bach ar y beic lawr be mae nhw´n alw´n "death road"! Odd o´n anhygoel mae´r bws yn mynd a chi fyny i 4700medr a wedyn ti´n cychwyn seiclo i lawr, bron iawn i gyd i lawr allt, odd na tua hanner awr i fyny allt, dim ond i neud i ni weithio dipyn bach! Wedyn odda chi´n cyrraedd "death road" i bawb sydd wedi bod yn Bwlch y groes, Llanymawddwy mae´n siwr bod o rwbath tebyg i hwna, ond efo mwy o ddiybyn ar yr ochr, dim barrier a chipings a creigiau yn sticio i fyny o´r lon! Odd o´n anhygoel, erbyn y diwadd odda ni wedi seiclio lawr i 1200metr! Ond rhaid i fi ofyn ar ol ddoe, pam mae bob dim yn digwydd i fi?! Yn ystod y dydd nesh i lwyddo i golli fy sbectols haul, cal pyncjar a disgyn off fy meic a hedfan dros yr handlebars!! Nesh i ddim brifo wir, ond o ni´n teimlo fel dipyn o ffwl! Dim byd active i ni am dipyn eto, ella trip bach neis i´r de i weld y llynnoedd halen!

Poen, poen a mwy o boen!!

2006-04-23T23:17:00.000Z

Mae hi wedi bod yn dipyn ers fy mhost diwethaf, ond dydw i ddim wedi bod yn segur - dim o bell ffordd. Wythnos dwytha nath Elin a fi gerddad dros 110km a chyrraedd uchder o 4600m!! Rhyw fath o treck amgen i´r Inca trail oedd o o´r enw Salkantay, cerdded am 5 diwrnod a campio am dair noson a gorffan fyny yn machu picchu. Fuon ni´n cerdded mynyddoedd, cerdded yng nghanol coedwig law, croesi afon mewn ryw fasged dros weiran, thermal baths a trip mewn tryc hynod doji!! Roedd o'n brofiad a hanner, yn anffodus i fi gesh i ddau blister dwy awr i fewn i´r daith ac erbyn gorffan y 5 diwrnod roedd gen i gyfanswm o 13!! Erbyn diwrnod 4 a 5 doeddwn i ddim yn gallu gwsgo sgidia cerdded na fflip fflops achos odda nhw´n brifo, so o ni´n droednoeth yn mynd rownd machu picchu ac yn cerdded fyny Wayna picchu y mynydd sydd wrth ymyl- gesh i dipyn o ffyni looks gan bobl!!

Ond roedd Machu Picchu ben dant werth o! Mae´n anhygoel sut mae´r ddinas fyny yna, a dim ond yr elite odd yn cal byw yna a odd y golygfeydd yn wych! Roedd grwp mawr ohonom ni yn cerdded so wedi neud dipyn o ffrindiau newydd, aethom ni allan nos wener i ddathlu penblwydd un o´r genod a natho ni gyfarfod Cymro cynta ni! Rhys o Ben-y-bont, profiad exciting iawn!

Beth bynnag, rydym ni nol yn Cuzco erbyn wan, ac yn cal dau ddiwrnod o neud dim byd achos mae ´mysyls i i gyd yn brifo! Esh i i capel yma bora ma, doeddwn i ddim yn dallt llawer o´r bregath ond nesh i lwyddo i ffeindio y testun yn y beibl agodd y canu'n dda!! Fory rydym yn mynd i Puno sydd wrth ymyl llun Titicaca, so fydda ni´n mynd am drip bach i weld yr ynysoedd sy'n ´floatio´ (dwi´n ama bod fy nghymraeg i´n gwaethygu allan yma!) Ag yn anffodus dydi fy Español i ddim yn gwella chawith, so da ni dal i fod yn disgyn yn ol i siarad efo´n dwylo eitha dipyn yma. Gewn i weld ella yn Bolifia fydd neb llawer yn siarad Saesneg so fydd rhaid i ni drio yn galetach!

Pen-blwydd ym Mheriw

2006-04-14T20:27:00.000Z

Yn ben dant hwn ydi´r pen-blwydd mwyaf gwahanol dwi byth wedi cal!! Erbyn hyn rydym ni wedi cyraedd Nazca, pentref bach yn Ne Periw sydd yn enwog am luniau o anifeiliaid a pethau eraill sydd wedi cael eu llunio ar y llawr!!
Rhaid cychwyn o´r cychwyn, ar ol Acapulco aethom yn ol i ddinas Mexico i hedfan i Lima, a cyraedd Lima am 11 o gloch nos. Mae lot o bobl wedi deud wrtha fi eu bod nhw ddim yn hoff iawn o Lima, a er dwi ddim isio cytuno efo nhw mae´n rhaid i fi! Wrth i ni fynd o´r maes awyr yn y nos roedd tyllau anferth yn y lon bob hun a hun a randym peils o rybbish! Mae´n hawdd gweld bod y ddinas yng nghanol anialwch, oherwydd mae hi mor llychlyd a sych yno a er odd rhai pobl yn glen yno, doedd y rhanfwyaf ddim isio gwbod amdana chi. Ac felly dal y bws y diwrnod wedyn i Nazca taith 8 awr! Mae bysus Periw yn fwy tebyg i rhai gwlad ni, sydd ddim wir yn neud sens i fi de, os ydi Mexico sydd yn wlad tlotach na Prydain a hyd yn oed Periw sydd hyd yn oed gwaeth yn gallu fforddio gwasanaethau bws gwell na´n gwlad ni da ni di mynd yn rong yn rwla! Beth bynnag wedi bod yn Nazca am ddwy noson wan, natho ni benderfynnu sboilio ein hunain dipyn a aros mewn hotel, so dim ond ni´n dwy oedd yn y stafell am chenj- neis cal dipyn bach o breifatrwydd!!
Atho ni allan am fwyd neithiwr i ddathlu fy mhen-blwydd, a ciwt nath na tri cerddor bach ddod i fewn a canu penblwydd hapus i fi, dau ar ryw fath o gitar bach a un efo ffliwt (allan o bren) a pan nath y waiter ffeindio allan, nath o anfon ei ffrind allan i nol canwyll i fi a roi o ar gacan choclet a canu i fi! A wedyn bora ma atho ni am 7:30 i hedfan dros y 'nazca lines' mewn awyren tiny i 6 person a doedd y peilot ddim yn gall, yn disgyn yr awyren bob hyn a hyn, nes bod bob dim yn hedfan ar draws y lle, lwcus odda ni ddim yn sal!! Odd rhaid checkio allan o´r gwesty am 12:30 a dydi ein bws ni ddim yn mynd tan 11:30 heno, so dim ond cerdded o gwmpas y lle pnawma. Dwi wedi torri fy ngwallt, o ni wedi meddwl neud o´n gwta ond allwch chi ddychmygu does dim llawer o lefydd torri gwallt yma. Beth bynnag natho ni ffeindio un, dim ond i ddarganfod mae transvestites odd yn gweithio yna, heb dim gair o saesneg. So mae ngwallt i yn fyrach, dim byd fel o ni isio iddo fo fod, dim syndod cos odd o/hi ddim yn dallt fi a doedd o ddim hyd yn oed yn sbio pan odd o´n torri fo!!! Dim ots, wythnos nesa da ni´n neud 5 diwrnod o heikio yn Periw, yn anffodus dim y classic Inca Trail achos mae o wedi gwerthu allan, ond un arall sydd hefyd yn goffan yn Machu Picchu so fydd gena i ddim drych beth bynnag!
Wythnos yma fydda i wedi gwario 34 awr ar y bws, yn anffodus i fi mae Elin y math o berson sydd yn gallu cysgu ar unrhyw fws, unrhyw bryd- a dwi ddim, a felly dwi´n ofni mae 14 awr o edrych allan drwy´r ffenast ar y tirlun fydd hi! Doedd gen i ddim syniad bod Periw mor sych, odd y rhanfwyaf o be natho ni basio yn anialwch! Neud i fi golli gwyrddni Cymru dipyn, ond mae´r mynyddoedd yma gymaint mwy na rhai Eryri!
Tan y tro nesa!

Nofio allan am 10 o gloch nos!!

2006-04-09T03:57:00.000Z

... a mae hi dal yn gynas yma!
Da ni wedi cyraedd Acapulco, taith dipyn dros bump awr ar y bws, ond dydw i erioed wedi gweld bys mor neis yn fy mywyd! Roedd on fwy cyffyrddus na´r awyren gawson ni yma! Roedd hin braf gweld dipyn o Mexico ei hun y tu allan i´r ddinas. Dydd Iau atho ni i fyny i gogledd y ddinas ar y bws, a gweld y slymiau i gyd, anhygoel- ar y ffordd i Teotihuacan (llond ceg de!) a cerdded i fyny´r trydydd piramid mwyaf y byd, mae nghoesau i dal yn stiff dau ddiwrnod wedyn! Llwyddom ni i ffeindio ty bwyta sydd mewn ogof yna- roedd o´n cwl iawn i gymharu efo´r gwres mawr y tu allan, ag yn unigryw. Dwi´n cal dipyn o drafferth rhoi llunia fyny, ond nai drio eto ar y cyfrifiaduron newydd ma.
A heddiw odda ni´n dreifio lawr i´r de drwy´r mynydoedd, tir sych iawn yma, ond yn eitha prydferth yn ei ffordd ei hun, ond dim i´w gymharu a Cymru!
Wedi cael cipolwg o´r traeth yma yn barod, so ewn ni am dro fory. Y nod ydi i drio cal dipyn bach o tan fel ein bod ni´n edrych mwy fel Mexicans (er dydw i dal ddim wedi gweld un efo gwallt coch!) Mae´r awyr yn ben dant yn gliriach yma, dim gymaint o smog a mae pawb yn deud ei bod hi´n boethach yma na´r ddinas, so dim cerdded trwm i ni yn fama. Ond yn yr hostel mae na bwll nofio, cwrtiau tennis, rhyngrwyd, bar a mwy so fydd dim rhaid i ni fynd yn bell...
Alla i ddim coelio pa mor rhad ydi pethau yma. Er enghraifft yn y Mexico city rydych chi´n gallu dal y metro o dan ddaear am 2 peso bob tro- sydd tua 12 ceiniog i ni! dwi ddim yn siwr sut mae huna yn cymharu efo Llundain! Dau beth arall dwi wedi sylwi am y bobl yma, ar y cyfan mae nhw´n fyr iawn- ac yn cymeryd eu amser i neud bob dim!! Mae hi´n ´laid back´ iawn yma sydd yn neis- cal amser i neud stwff am unwaith!
Yn planio aros yma tan dydd mawrth pan fyddem yn trafeilio yn ol i´r ddinas i hedfan i Lima.

Buenas Tardes o Fecsico

2006-04-04T00:21:00.000Z

AAAAAAAAAA, alla i ddim coelio mod i'n Mexico!!
Rhaid i chi fadda i fi os di'r teipio bach yn doji (wel mwy na'r arfer) achos mae'r llythrena wedi ffadio off y allweddell a mae bob dim yn Sbaeneg!!
Ath yr hedfan yn iawn, 11 awr yn styc mewn awyren- ddim yn gret ond dyna ni! Yn anffodus gesh i waedlif yn fy nhrwyn ar y 9fed awr, a wedi cael dau ers hynny neithiwr. Ond cyn i neb boeni dwi'n iawn rwan. Ama mae'r uchder nath achosi fo, roeddwn i allan o wynt hyd yn oed yn cerdded fyny grisia bach! Felly diwrnod bach ysgafn heddiw, cerdded o gwmpas y ddinas yn mynd ar goll dipyn o weithia ac yn trio fy nghorau i siarad Sbaeneg ond does na neb yn dallt fi (ella mae'r acen cryf Cymreig ma ydi'r broblam) Ond pan dwi yn llwyddo i ffurfio brawddeg dealladwy yn Sbaeneg yr unig ateb dwi'n cal yn ol ydi llu o gwestiynnau (hynod sydyn)- so rhaid i fi ddisgyn yn ol ar 'no se' bob tro. Ond peidiwch a poeni fydda i'n rhugl erbyn y diwedd!
Mae'r lle yma yn anferthol! yn llawn lliwiau, hoglau gwahanol (rhai'n neisiach na'u gilydd) a mae na bobl yn bob man! Chwara teg mae pawb yn glen iawn, a da ni'n rhannu stafell efo hogan o'r Almaen am dipyn so da ni gyd yn explorio efo'n gilydd. Dwi'n meddwl mae plans ni am wythnos yma ydi mynd i weld yr Aztec pyramins, udodd un o'r pobl oedd yn aros yma bod ddim digon i weld yn y ddinas ei hun am wythnos- so ella ewn ni am drip bach allan i'r wlad. Fasa ffeindio traeth yn neis achos mae hi'n braf iawn yma (yndw, dwi'n roi digon o eli haul!)
Ddim wedi llwyddo i ffeindio dim Cymry eto, ond mae pawb yn amazed ein bod ni'n dod o na! Iawn rhaid i ni fynd i chwilio am ryw fwyd i swpar, dwi'n siwr fydda i'n colli coginio mam ar ol dipyn!

noson olaf

2006-04-01T19:01:00.000Z

Dim ond nodyn bach i ddeud diolch yn fawr i bawb sydd wedi trefnu parti neu helpu i fi gal ar fy ffordd. Am ddau o'r gloch fory fe fydda i'n hedfan i Mexico!
Dwi ddim cweit yn siwr iawn os ydi o wedi sincio fewn eto, dydi reality y ffaith mod i'n gadal Cymru am 6 mis yn ben dant ddim wedi!
Rydw i yn edrych ymlaen i weld pethau newydd ac i ddysgu mwy am y byd bach ma- siwr bod Mexico yn le da i gychwyn am 'eye opener'! Nai adal chi wybod!

Pam gadael Cymru fach?

2006-03-03T20:12:00.000Z

Wel wir, o ni byth yn meddwl fasa na gymaint o waith paratoi i fynd diethio!
Yn gyntaf mae'n rhaid i fi gal 10 pigiad cyn i fi fynd (a rhai ohonyn nhw yn boenus iawn), a hynny heb son am dabledi Malaria. Wedyn rhaid neu dipyn o waith ymchwil ar y gwledydd dwi'n mynd i; gwbod am y pres, diwylliant, iaith a be sy'n dda i neud yna... Ac wrth gwrs dwi'n trio dysgu dipyn o Español i fi gal uniaethu mwy efo'r diwylliant yn Ne America. Er gwaetha'r gwaith caled i gyd (wel, dydw i ddim mor brysur a huna chwaith) dwi'n swir fydd y profiad werth o!

Pam dwi'n mynd?
Dwi'n meddwl bod hi'n hen bryd i fi gal newid, newid o fyw yn y wlad yma.
Peidwi'ch a'ng nghamddallt, dwi wrth fy modd mod i'n Gymraes ac wedi fy ngeni efo'r hunaniaeth yma- faswn i ddim yn newid o am y byd.
Y gymdeithas sy'n fy mlino i; y ffaith bod ganddon ni bob dim sydd yn anghenrheidiol i fyw A MWY, a dwi dal yn ffeindio fy hun yn cwyn bod rhyw beth neu gilydd ddim genna i! Dwi hefyd yn ffed yp o fyw mewn 'bybl'- dwi hefo bob dim dwi angen i fyw yn 'foethus' gormodedd o fwyd, car i fynd o A i B, teledu i fy niddori 24/7, ffilmiau i wylio os dwi isio neud wbath 'cyffrous'- byw reality o'r bocs. Digalon. Dwi'n ddiolchgar iawn am hyn i gyd, ond dim dyma'n unig ydi bywyd. Dyna pam dwi'n bwriadu neud fy antur fy hun, wel Elin a fi!!
Mae gen i ddiddordeb mewn gweld sut mae pawb arall yn byw, sut mae'r gwledydd sydd heb y BBC, gemau fideo a 1.5 car i bob teulu yn gweithio, a os ydi'n o'n bosib i fod yn hapus heb y dillad diweddara yn Topshop! A hefyd dwi isio gweld mwy o'r byd anhygoel o brydferth yma mae Duw wedi roi i ni, yn ogystal a'r amrywiaeth o bobl sydd ynddi hi.

Dyma lle dwi'n mynd a pryd:
2il o Ebrill- hedfan i Ddinas Mexico aros am ryw wythnos a wedyn gobeithio hedfan lawr i Periw.
Trafeilio dow dow lawr drwy Bolifia, Yr Arianin (yn cynnwys y wladfa) a Chile.
17eg o Fehefin- hedfan o Santiago i Seland Newydd a aros yno am bump wythnos yn gweithio.
26ain o Orffenaf- hedfan o Christchurch i Melbourne, Awstralia.
19ain o Awst- hedfan o Cairns i Singapore.
30ain o Fedi- hedfan o Bangkok adra! (wel i Llundain a wedyn Sir Fôn)

Wrth gwrs dim ond amlinelliad bras ydi hwn, fydd rhaid llenwi y bits gwag yn y canol- a nai adal chdi wbod be fydd y canlyniad!

Cychwyn

2006-02-28T12:11:00.000Z

Helo pawb! croeso i fy mlog newydd sbon.
Prif reswm hwn ydi i bobl allu checkio bob hyn a hyn os ydw i dal yn fyw ar fy nhrafels rownd y byd. Dwi wedi cael dipyn o gwynion mod i ddim yn mynd a ffon efo fi, so dyma chi ffordd o gysylltu efo fi neith ddim costio ffortwn i chi (a fi)!
Mae yna 33 diwrnod tan fy ymadawiad o Gymru fach, felly os oes gan unrhyw un tips neu requests am gerdiau post, rwan 'di'r amser!!